Daily interviews
RFI
បទសម្ភាសជាមួយអ្នកនយោបាយ តំណាងសង្គមស៊ីវិល ឬអ្នកឯកទេសផ្សេងៗ ដើម្បីនិយាយពីព្រឹត្តិការណ៍សំខាន់ៗ ដែលកើតមានឡើងនៅក្នុងប្រទេសកម្ពុជា។
Location:
France
Genres:
Arts & Culture Podcasts
Networks:
RFI
Description:
បទសម្ភាសជាមួយអ្នកនយោបាយ តំណាងសង្គមស៊ីវិល ឬអ្នកឯកទេសផ្សេងៗ ដើម្បីនិយាយពីព្រឹត្តិការណ៍សំខាន់ៗ ដែលកើតមានឡើងនៅក្នុងប្រទេសកម្ពុជា។
Language:
Khmer
Episodes
លោក អ៊ុក ម៉ៅ៖ បណ្តឹងខ្ញុំប្តឹងគេ ត្រូវបានទាត់ចោល តែបណ្តឹងគេប្តឹងខ្ញុំ បែរជាមានចំណាត់ការលឿន
5/13/2025
លោក អ៊ុក ម៉ៅ អ្នកសារព័ត៌មានផ្នែកបរិស្ថានប្រចាំខេត្តស្ទឹងត្រែង បានអះអាងថា លោកបានរងបណ្តឹងនៅតុលាការសរុប១៤ករណីដោយសារតែលោកបានរាយការណ៍ពីការឃុបឃិតគ្នារវាងមន្ត្រី និងក្រុមអ្នកកាប់ឈើនៅតំបន់នោះ។ ក្នុងបទសម្ភាសជាមួយវិទ្យុបារាំងអន្តរជាតិ RFI នៅថ្ងៃទី១៣ ខែឧសភា អ្នកសារព័ត៌មានដែលគ្មានប្រាក់ខែរូបនេះ ថ្លែងថា លោកធ្លាប់ត្រូវបានគេវាយដំ គេបោកទូរសព្ទចោល ដុតម៉ូតូ និងដុតផ្ទះចោល។ តែលោកថា នៅពេលលោកដាក់ពាក្យបណ្តឹងដើម្បីរកយុត្តិធម៌ មន្ត្រីមួយចំនួនទាត់ចោលពាក្យបណ្តឹងរបស់លោក ហើយនៅពេលដែលភាគីម្ខាងទៀតប្តឹងលោកវិញ គឺបែរជាមន្ត្រីមានចំណាត់ការលឿនទៅវិញ។
Duration:00:07:29
លោក ឃឹម ប៊ុនឡែន៖ ការនាំចូលទុរេនពីក្រៅប្រទេសប៉ះពាល់ធ្ងន់ធ្ងរដល់អ្នកដាំក្នុងស្រុក
5/11/2025
នៅដើមរដូវវស្សានេះ ផ្លែទុរេនរបស់កម្ពុជាចាប់ផ្តើមអាចប្រមូលផលជាបណ្តើរៗ។ តែយ៉ាងណាការនាំចូលទុរេនពីប្រទេសជិតខាង រួចក្លែងបន្លំថា ជាទុរេនដាំដុះក្នុងស្រុក នៅតែជាកង្វល់ ដែលឈ្មួញ និងកសិករក្នុងស្រុកបន្តរអ៊ូរទាំ។ នៅក្នុងបទសម្ភាសជាមួយវិទ្យុបារាំងអន្តរជាតិRFI នៅថ្ងៃទី១១ ខែឧសភា លោក ឃឹម ប៊ុនឡែន ស្ថាបនិកនិងជាប្រធានសហគមន៍ចម្ការស្តេចទុរេន បានឲ្យដឹងថា ការនាំចូលទុរេនពីក្រៅប្រទេសបានប៉ះពាល់យ៉ាងធ្ងន់ធ្ងរដល់សុខភាពប្រជាពលរដ្ឋ និងប៉ះពាល់ដល់ទីផ្សាដែលប្រជាកសិករខ្មែរខំប្រឹងដាំដុះទុរេននៅក្នុងស្រុក។
Duration:00:10:54
លោក អ៊ុន ច័ន្ទថុល៖ អ្នកសារព័ត៌ដែលមានមេធាវីរបស់អង្គការLACជួយការពារក្តី ភាគច្រើនបានឈ្នះក្តី
5/10/2025
អង្គការជំនួយផ្នែកច្បាប់នៃកម្ពុជា(LAC) បានប្រកាសនៅថ្ងៃទី៦ ខែឧសភា ឆ្នាំ២០២៥ ពីការផ្តល់មេធាវីជួយការពារអ្នកសារព័ត៌មាន នៅក្នុងករណីពួកគេមានតម្រូវការពឹងពាក់មេធាវីការពារក្តី។ ក្នុងបទសម្ភាសជាមួយវិទ្យុបារាំងអន្តរជាតិRFI នៅថ្ងៃទី១០ ឧសភា លោក អ៊ុន ច័ន្ទថុល មេធាវីរបស់អង្គការជំនួយផ្នែកច្បាប់នៃកម្ពុជា បានបញ្ជាក់ថា ភាគច្រើននៃរឿងក្តីរបស់អ្នកសារព័ត៌មានដែលអង្គការនេះដាក់មេធាវីជួយការពារក្តីមិនគិតថ្លៃ គឺទទួលបានជោគជ័យ ដោយអ្នកសារព័ត៌មានដែលរងការចោទប្រកាន់មិនត្រូវបានឃុំខ្លួន។
Duration:00:08:36
លោកឡុង កុសល៖ កម្មវិធី «Visit Angkor» ជួយ លើកស្ទួយវិស័យទេសចរណ៍ និងតម្លៃរមណីយដ្ឋានអង្គរ
5/9/2025
អាជ្ញាធរជាតិអប្សរាទើបបានប្រកាសដាក់ឲ្យសាកល្បងប្រើប្រាស់កម្មវិធី «Visit Angkor» ដើម្បីទទួល ឬផ្តល់ព័ត៌មានពាក់ព័ន្ធនឹងអង្គរវត្តទៅកាន់ភ្ញៀវទេសចរជាតិ និងអន្តរជាតិ។ ក្នុងកិច្ចសម្ភាសជាមួយវិទ្យុបារាំងអន្តរជាតិ RFI នៅថ្ងៃទី៩ ឧសភានេះ លោក ឡុង កុសល អគ្គនាយករង និងជាអ្នកពាក្យអាជ្ញាធរជាតិអប្សរាបានឲ្យដឹងថា កម្មវិធី «Visit Angkor» ត្រូវបានបង្កើតឡើងជាភាសាខ្មែរ និងភាសាអង់គ្លេស។ លោក ឡុង កុសលរំពឹងថា កម្មវិធី «Visit Angkor» នឹងអាចចូលរួមលើកស្ទួយវិស័យទេសចរណ៍ក្នុងខេត្តសៀមរាប និងលើកតម្លៃរមណីយដ្ឋានអង្គរ។
Duration:00:09:55
វេជ្ជបណ្ឌិត មុំ គង់៖ រដ្ឋត្រូវបន្តឹងការនាំចូល និងបិទខ្ទប់ការផ្សាយពាណិជ្ជកម្មបារីអេឡិចត្រូនិក
5/7/2025
នៅថ្ងៃទី៥ ឧសភា នាយករដ្ឋមន្ត្រីកម្ពុជា លោក ហ៊ុន ម៉ាណែតបានប្រកាសដាច់ណាត់មិនឲ្យក្រុមហ៊ុនបរទេសចូលមកវិនិយោគលើបារីអេឡិចត្រូនិកក្នុងប្រទេសកម្ពុជាឡើយ។ នៅក្នុងបទសម្ភាសជាមួយវិទ្យុបារាំងអន្តរជាតិ RFI នាថ្ងៃពុធ ទី៧ ឧសភា លោកវេជ្ជបណ្ឌិត មុំ គង់ ប្រធានអង្គការចលនាដើម្បីសុខភាពកម្ពុជាបានគាំទ្រ និងសាទរលើការប្រកាសរបស់ប្រមុខរដ្ឋាភិបាលកម្ពុជា។ តាមលោកវេជ្ជបណ្ឌិត ការប្រើប្រាស់បារីអេឡិចត្រូនិកនៅកម្ពុជាបានកើនឡើងគួរឲ្យកត់សម្គាល់ ពិសេសនៅក្នុងចំណោមយុវវ័យ។ ក្នុងន័យនេះ លោកវេជ្ជបណ្ឌិតចង់ឃើញរដ្ឋាភិបាលរឹតបន្តឹងការនាំចូលបារីអាឡិចត្រូនិក និងបិទខ្ទប់ការផ្សាយពាណិជ្ជកម្មតាមបណ្តាញសង្គមទាំងអស់។
Duration:00:11:22
លោក ឡុង ឌីម៉ង៖ ការផលិតគ្រឿងបន្ទាប់បន្សំបន្ទះសូឡាចេញពីកាកសំណល់រឹងកាត់បន្ថយផលប៉ះពាល់បរិស្ថាន
5/6/2025
នៅព្រឹកថ្ងៃទី០៦ ខែឧសភា ឆ្នាំ២០២៥ នេះ អាជ្ញាធរខេត្តព្រះសីហនុបានប្រជុំផ្សព្វផ្សាយ និងពិគ្រោះយោបល់ស្តីពីលទ្ធផលបឋមនៃសេចក្តីព្រាងរបាយការណ៍សិក្សាវាយតម្លៃផលប៉ះពាល់បរិស្ថាន និងសង្គមលើគម្រោងបង្កើតរោងចក្រកែច្នៃអាលុយមីញ៉ូម និងផលិតគ្រឿងបន្ទាប់បន្សំសម្រាប់បន្ទះសូឡារបស់ក្រុមហ៊ុនឯកជន។ ក្នុងបទសម្ភាសជាមួយវិទ្យុបារាំងអន្តរជាតិ RFI នៅថ្ងៃទី៦ ឧសភា លោក ឡុង ឌីម៉ង់ អ្នកនាំពាក្យខេត្តព្រះសីហនុបញ្ជាក់ថា គម្រោងនេះជាការកែច្នៃកាកសំណល់រឹងដើម្បីធ្វើស៊ុមបន្ទះសូឡា ពោលមិនមែនជារោងចក្រផលិតបន្ទះសូឡាទេ។
Duration:00:09:03
លោក លី សូវ៉ាន់៖ ពលរដ្ឋមិនត្រូវទិញសាច់សត្វដែលគ្មានការត្រួតពិនិត្យច្បាស់លាស់មកបរិភោគ
5/5/2025
កាលពីពេលថ្មីៗនេះ ខេត្តមុដាហាន ប្រទេសថៃ បានរកឃើញវិជ្ជមានជំងឺអង់ត្រាក់(ពិសធ្យូង) ចំនួនពីរករណីលើមនុស្ស ក្នុងនោះមួយករណីបានធ្វើឲ្យបុរសអាយុ ៥៣ឆ្នាំម្នាក់ស្លាប់ និងម្នាក់ទៀតកំពុងព្យាបាលនៅមន្ទីរពេទ្យ។ ព័ត៌មាននេះធ្វើឲ្យពលរដ្ឋខ្មែរមានការចាប់អារម្មណ៍ និងសម្តែងការព្រួយបារម្ភផងដែរ ដោយខ្លះបានចៀសវាង ឬកាត់បន្ថយការបរិភោគសាច់គោមួយរយៈ។ នៅក្នុងកិច្ចសម្ភាសជាមួយវិទ្យុបារាំង RFI នៅថ្ងៃទី០៥ ខែឧសភា ឆ្នាំ២០២៥នេះ លោកវេជ្ជបណ្ឌិត លី សូវ៉ាន់ អ្នកនាំពាក្យក្រសួងសុខាភិបាលបានថ្លែងបញ្ជាក់ថាកម្ពុជាមិនទាន់មានឆ្លងជំងឺនេះនៅឡើយទេ។ ជាមួយគ្នានេះ លោក លី សូវ៉ាន់ ស្នើឲ្យអ្នកសម្លាប់សត្វមិនត្រូវយកសាច់សត្វដែលឈឺមកលក់លើទីផ្សារ និងអ្នកទិញក៏មិនត្រូវទិញសាច់សត្វដែលមិនមានប្រភពត្រួតពិនិត្យច្បាស់លាស់ដែរ៕
Duration:00:08:34
លោក ណុប វី៖ សេរីភាពសារព័ត៌មាននៅកម្ពុជាធ្លាក់ចុះដោយសារតែឃាតកម្ម និងកំណើនបណ្តឹងប្រឆាំងអ្នកសារព័ត៌មាន
5/3/2025
ថ្ងៃទី៣ឧសភា គឺជាទិវាសេរីភាពសារព័ត៌មានពិភពលោកលើកទី៣២។ នៅក្នុងរបាយការណ៍ប្រចាំឆ្នាំរបស់អង្គការអ្នកកាសែតគ្មានព្រំដែន ដែលចេញផ្សាយក្នុងឱកាស ទិវាសេរីភាពសារព័ត៌មានពិភពលោក កម្ពុជាត្រូវបានអង្គការមួយនេះទម្លាក់ចំណាត់ថ្នាក់ចំនួន១០លេខ។ លោក ណុប វី នាយកប្រតិបត្តិសមាគមសម្ព័ន្ធអ្នកសារព័ត៌មានកម្ពុជា(ខាមបូចារ) កត់សំគាល់ថា សេរីភាពសារព័ត៌មាននៅកម្ពុជា ធ្លាក់ចុះក៏ដោយសារតែករណីបាញ់សម្លាប់អ្នកកាសែតម្នាក់នៅខេត្តសៀមរាប និងបណ្តឹងប្រឆាំងអ្នកសារព័ត៌មានកើនឡើងជាង១០០%។ នៅក្នុងបទសម្ភាសជាមួយវិទ្យុបារាំងអន្តរជាតិ RFI លោក ណុប វី យល់ថា នៅកម្ពុជាអ្នកសារព័ត៌មានមិនទាន់ត្រូវបានធានាពីសុវត្ថិភាព និងសេរីភាពក្នុងការបំពេញវិជ្ជាជីវៈនៅឡើយ ទោះជាស្ថាប័នសារព័ត៌មានមានចំនួនរហូតដល់ជាង១ពាន់អង្គភាព និងអ្នកសារព័ត៌មានមានប្រមាណ១ម៉ឺននាក់ក្តី។
Duration:00:12:06
លោក គឹម ចាន់បញ្ញា៖ ថៃខាតបង់សេដ្ឋកិច្ចច្រើនជាងកម្ពុជាលើការបិទច្រកព្រំដែនអានសេះ
5/2/2025
នៅថ្ងៃទី១ ឧសភា ច្រកទ្វារព្រំដែនអន្តរជាតិអានសេះ ខេត្តព្រះវិហារត្រូវបានភាគីថៃបិទជាឯកតោភាគី។ នៅក្នុងបទសម្ភាសជាមួយវិទ្យុបារាំងអន្តរជាតិ RFI នាថ្ងៃសុក្រទី២ ឧសភា លោក គឹម ចាន់បញ្ញា អភិបាលរងខេត្តព្រះវិហារបានឲ្យដឹងថា ការបិទច្រកព្រំដែនអានសេះភ្លាមៗពីភាគីថៃអាចមកពីការភាន់ច្រឡំលើបញ្ហាអ្វីមួយ និងថា អាជ្ញាធរខ្មែរក្នុងខេត្តព្រះវិហារកំពុងចរចាជាមួយភាគីថៃដើម្បីបើកច្រកព្រំដែននេះឡើងវិញ។ តាមលោក គឹម ចាន់បញ្ញា ថៃជាអ្នកខាតបង់សេដ្ឋកិច្ចច្រើនជាងកម្ពុជាចំពោះការបិទច្រកព្រំដែនអន្តរជាតិអានសេះពេលនេះ។
Duration:00:08:40
បណ្ឌិត ឈាង វណ្ណារិទ្ធ៖កម្ពុជាទទួលបានប្រយោជន៍សេដ្ឋកិច្ចនិងការទូតច្រើនពីអាស៊ានក្នុងរយៈពេល២៦ឆ្នាំ
4/30/2025
ថ្ងៃទី៣០ ខែមេសា ឆ្នាំ២០២៥ នេះ គឺជាខួប២៦ឆ្នាំ នៃការចូលជាសមាជិកអាស៊ានរបស់ប្រទេសកម្ពុជា។ នៅក្នុងកិច្ចសម្ភាសន៍ជាមួយវិទ្យុបារាំងអន្តរជាតិRFI នាថ្ងៃទី៣០ ខែមេសា ឆ្នាំ២០២៥នេះ លោកបណ្ឌិត ឈាង វណ្ណារិទ្ធ ប្រធានឧទ្យាននវានុវត្តន៍សង្គមអង្គរ(ASIP) បានថ្លែងថា អាស៊ានគឺជាខែលដ៏សំខាន់ក្នុងការថែរក្សាស្ថិរភាពនៅក្នុងតំបន់ និងការពារផ្តល់ផលប្រយោជន៍ស្នូលដល់សមាជិករបស់ខ្លួន។ សម្រាប់កម្ពុជា ត្រូវបានលោកបណ្ឌិតកត់សម្គាល់ឃើញថា ក្នុងនាមជាសមាជិកអាស៊ានរយៈពេល ២៦ឆ្នាំកន្លងទៅ កម្ពុជាទទួលបានអត្ថប្រយោជន៍ជាច្រើន ពិសេសសេដ្ឋកិច្ច និងការទូត៕
Duration:00:10:53
លោក រ៉ុង ឈុន៖ ក្រោយការរឹបអូសផ្ទះរបស់ខ្ញុំ ខ្ញុំនឹងបោះតង់ដេកតាមចិញ្ចើមថ្នល់
4/29/2025
លោក រ៉ុង ឈុន ទីប្រឹក្សាគណបក្សកម្លាំងជាតិត្រូវបានសាលាឧទ្ធរណ៍ចេញដីកាកោះហៅឲ្យចូលសវនាការនៅថ្ងៃទី១២ ខែឧសភា ឆ្នាំ២០២៥ ស្តីពីសំណុំរឿង «ផ្តល់នីតិសម្បទារឡើងវិញ» ក្រោយពីលោកបានអនុវត្តទោសក្នុងពន្ធនាគារបានមួយភាគធំ។ ដោយឡែក សំណុំរឿងដែលសាលាដំបូងរាជធានីភ្នំពេញប្រកាសរឹបអូសផ្ទះរបស់លោកទៅលក់ដើម្បីសងជំងឺចិត្តដល់គណៈកម្មាធិការព្រំដែនត្រូវបានលោក រ៉ុង ឈុនអះអាងថា លោកគ្មានអ្វីតវ៉ា និងក៏មិនផ្លាស់ប្តូរជំហរនយោបាយដែរ។ ក្នុងបទសម្ភាសជាមួយវិទ្យុបារាំងអន្តរជាតិ RFI នៅថ្ងៃទី២៩ ខែមេសា លោក រ៉ុង ឈុន ថ្លែងថា ក្រោយពីគេរឹបអូសផ្ទះរបស់លោក លោកនឹងទៅបោះតង់ដេកតាមចិញ្ចើមថ្នល់។
Duration:00:10:17
លោក សាន់ ម៉ាឡា៖ ឃាតកម្មលើ លោក ឈុត វុទ្ធី នៅមិនទាន់ទទួលបានយុត្តិធម៌
4/26/2025
អង្គការសង្គមស៊ីវិល និងសហគមន៍ព្រៃឈើ រំឭកខួប១៣ឆ្នាំនៃមរណភាពរបស់ លោក ឈុត វុទ្ធី សកម្មជនការពារព្រៃឈើ ដែលត្រូវបានបាញ់សម្លាប់ក្នុងពេលចុះស៊ើបអង្កេតបទល្មើសនៅខេត្តកោះកុងកាលពីឆ្នាំ២០១២។ លោក សាន់ ម៉ាឡា ប្រធានកម្មវិធីបណ្តាញ និងតស៊ូមតិនៃអង្គការភាពជាដៃគូដើម្បីបរិស្ថាន និងការអភិវឌ្ឍន៍ លើកឡើងថា ទាំងក្រុមគ្រួសារ និងអ្នកគាំទ្រ«វីរៈជនព្រៃឈើរូបនេះ»នៅតែទទួចឲ្យស្វែងរកយុត្តិធម៌ជូនលោក ឈុត វុទ្ធី។
Duration:00:08:29
លោក Casey Barnett៖ កម្ពុជាមានទាំងឱកាស និងហានិភ័យក្នុងបរិបទដំឡើងពន្ធរបស់អាមេរិក
4/25/2025
មកដល់ពេលនេះ ការចរចាការដាក់ពន្ធលើមុខទំនិញរវាងកម្ពុជា និងអាមេរិក នៅមិនទាន់មានការកំណត់ជាក់លាក់យ៉ាងណានៅឡើយ។ ក្នុងរយៈពេល៩០ថ្ងៃ គិតចាប់ពីថ្ងៃទី៩មេសា កម្ពុជាត្រូវប្រើប្រាស់ពេលវេលានេះ ដើម្បីបន្ទន់ចិត្តអាមេរិកឲ្យបញ្ចុះពន្ធដល់កម្ពុជា ខណៈដែលរដ្ឋបាលលោក ដូណាល់ ត្រាំ ចង់ដំឡើងពន្ធលើទំនិញកម្ពុជានាំចូលទៅកាន់សហរដ្ឋអាមេរិករហូតដល់៤៩%។ ក្នុងបទសម្ភាសជាមួយវិទ្យុបារាំងអន្តរជាតិនៅថ្ងៃសុក្រទី២៥មេសានេះ លោក Casey Barnett ប្រធានសភាពាណិជ្ជកម្មអាមេរិក បានកត់សម្គាល់ថា ការដំឡើងពន្ធ៤៩%របស់អាមេរិកចំពោះកម្ពុជា ជារឿងដ៏ហួសហេតុ ដែលអាចប៉ះពាល់យ៉ាងខ្លាំងដល់កំណើនសេដ្ឋកិច្ចកម្ពុជា ជាពិសេសការប៉ះពាល់យ៉ាងធ្ងន់ធ្ងរដល់វិស័យកាត់ដេរ។ តែនៅទន្ទឹមនេះប្រធានសភាពាណិជ្ជកម្មអាមេរិកក៏កត់សម្គាល់ដែរថា កម្ពុជាមានទាំងឱកាស មានទាំងហានិភ័យ ក្នុងបរិបទដំឡើងពន្ធរបស់អាមេរិក។
Duration:00:11:07
បណ្ឌិត ហ៊ាន សុខុម៖ អក្ខរាវិរុទ្ធភាសាខ្មែរគឺជាបញ្ហាចាំបាច់ដែលត្រូវមានការដោះស្រាយជាបន្ទាន់
4/24/2025
នៅថ្ងៃព្រហស្បតិ៍ទី២៤ ខែមេសា ឆ្នាំ២០២៥នេះ ក្រុមប្រឹក្សាជាតិភាសាខ្មែរនៃរាជបណ្ឌិត្យសភាកម្ពុជាបានរៀបចំសិក្ខាសាលាមួយស្តីពីការរៀបចំកម្មវិធី(សុសវែរ) ពិនិត្យអក្ខរាវិរុទ្ធភាសាខ្មែរ ដោយមានការចូលរួមពីអ្នកជំនាញផ្នែកសុសវែរភាសាខ្មែរមួយចំនួន។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី២៤ ខែមេសា ឆ្នាំ២០២៥នេះ លោកបណ្ឌិត ហ៊ាន សុខុម ប្រធានក្រុមប្រឹក្សាជាតិភាសាខ្មែរនៃរាជបណ្ឌិតសភាកម្ពុជាបានថ្លែងថា គោលបំណងនៃកិច្ចពិភាក្សានេះ គឺធ្វើយ៉ាងណាបង្កើតសុសវែរពិនិត្យអក្ខរាវិរុទ្ធភាសាខ្មែរមួយ ដែលមានលក្ខណៈពេញលេញ និងអាចប្រើប្រាស់បានជាទូទៅ។
Duration:00:11:23
លោក ក្រាញ់ តូនី៖ សាលាក្តីខ្មែរក្រហមចង់បានដៃគូគម្រោងផ្សេងៗដើម្បីអនុវត្តការងារនៅសេសសល់
4/17/2025
អង្គជំនុំជម្រះវិសាមញ្ញនៅក្នុងតុលាការកម្ពុជា ឬសាលាក្តីខ្មែរក្រហមបានបញ្ចប់បេសកកម្មយុត្តាធិការរបស់ខ្លួនកាលពីឆ្នាំ២០២២ ក្នុងការស្វែងយុត្តិធម៌ជូនជនរងគ្រោះក្នុងសម័យខ្មែរក្រហម។ តែក្រុមការងារនៃសាលាក្តីនេះនៅមិនទាន់ចប់ការងារថែរក្សា គ្រប់គ្រងឯកសារ និងការពន្យល់ផ្សព្វផ្សាយដល់មហាជនពីអ្វីដែលបានកើតឡើងក្នុងរបបកម្ពុជាប្រជាធិបតេយ្យនៅឡើយទេ។ ក្នុងកិច្ចសម្ភាសជាមួយវិទ្យុបារាំងអន្តរជាតិ RFI នៅថ្ងៃទី១៧ មេសា ឆ្នាំ២០២៥ នេះ លោក ក្រាញ់ តូនី រដ្ឋលេខាធិការ និងជាប្រធានរដ្ឋបាលស្តីទីនៃសាលាក្តីខ្មែរក្រហមបានគូសបញ្ជាក់ថា សាលាក្តីខ្មែរក្រហមត្រូវការគម្រោងនានាដែលមានការចូលរួមពីដៃគូជាតិ និងអន្តរជាតិបន្ថែមទៀតដើម្បីអនុវត្តការងារដែលនៅសេសសល់ ដូចជាការងារថែរក្សាកេរដំណែលសាលាក្តី និងការងារផ្សព្វផ្សាយជាដើម។
Duration:00:17:55
លោក កត្តា អ៊ន៖ ក្រសួងការងារនឹងធ្វើការជាមួយអាជ្ញាធរថៃដើម្បីធានាសំណងជូនពលករខ្មែរ
4/6/2025
គិតមកដល់ថ្ងៃអាទិត្យទី៦មេសានេះ មានពលករខ្មែរមួយរូបបានបាត់បង់ជីវិត និងពីររូបរងរបួស ក្នុងហេតុការណ៍បាក់រលំសំណង់អគារក្នុងទីក្រុងបាងកកកាលពីថ្ងៃទី២៨មីនា។ ក្នុងបទសម្ភាសជាមួយវិទ្យុបារាំងអន្តរជាតិ នៅថ្ងៃអាទិត្យទី៦មេសា លោក កត្តា អ៊ន អ្នកនាំពាក្យក្រសួងការងារនិងបណ្តុះបណ្តាលវិជ្ជាជីវៈ បានបញ្ជាក់ថា អាជ្ញាធរខ្មែរបានធ្វើការយ៉ាងយកចិត្តទុកដាក់ជាមួយអាជ្ញាធរថៃ ក្នុងប្រតិបត្តិរុករកពលករដែលបាត់ខ្លួនជាង៧០នាក់ទៀត។ តាមលោក កត្តា អ៊ន បច្ចុប្បន្នក្រសួងការងារកម្ពុជា ក៏ដូចជាតំណាងស្ថានទូតខ្មែរ ក៏កំពុងធ្វើការជាមួយអាជ្ញាធរថៃ ដើម្បីធានាថា ពលករខ្មែរដែលរងគ្រោះទទួលបានសំណងត្រឹមត្រូវតាមច្បាប់ការងាររបស់ថៃ។
Duration:00:08:11
លោក កង ឫទ្ធិគិរី៖ កម្ពុជាខ្វះសៀវភៅប្រវត្តិសាស្ត្រដែលឆ្លុះបញ្ចាំងពីការពិត
4/3/2025
សៀវភៅមានចំណងជើង «សំឡេងស្វែងរកយុត្តិធម៌ចេញពីផ្នូរសពរួមដែលមិនមែនជាការសងសឹក» សរសេរ និងចងក្រងដោយលោក កង ឫទ្ធិគិរី អតីតសាស្រ្តចារ្យ និងជាអតីតមេធាវីការពារក្តីឲ្យមេដឹកនាំខ្មែរក្រហមក្នុងអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.)។ ក្នុងបទសម្ភាសជាមួយវិទ្យុបារាំងអន្តរជាតិ RFI លោក កង ឫទ្ធិគិរីលើកឡើងថា សៀវភៅរបស់លោកឆ្លុះបញ្ចាំងពីការពិតក្នុងរបបខ្មែរក្រហមត្រូវបានចងក្រងដោយឯកសារច្បាប់ជាតិ និងអន្តរជាតិ។ សម្រាប់លោក កង ឫទ្ធិគិរី កម្ពុជាពិតជាត្រូវការសៀវភៅប្រវត្តិសាស្ត្រដែលឆ្លុះបញ្ចាំងពីការពិតដោយមិនភ្ជាប់និន្នាការនយោបាយ ខណៈសៀវភៅប្រវត្តិសាស្ត្រភាគច្រើនត្រូវបានចងភ្ជាប់ជាមួយនិន្នាការនយោបាយ។
Duration:00:15:45
បណ្ឌិត ម៉ី កល្យាណ៖ ការដំឡើងពន្ធរបស់អាមេរិកលើទំនិញកម្ពុជាមានផលប៉ះពាល់ធំធេងគួរឲ្យបារម្ភ
4/3/2025
នៅថ្ងៃទី២ ខែមេសា ឆ្នាំ២០២៥ ត្រូវជាព្រឹកថ្ងៃទី៣ មេសានៅកម្ពុជា ប្រធានាធិបតីអាមេរិក លោក ដូណាល់ ត្រាំ បានសម្រេចដំឡើងពន្ធលើទំនិញនាំចូលពីកម្ពុជាចំនួន៤៩% ដែលជាអត្រាពន្ធដ៏ខ្ពស់ជាងគេក្នុងចំណោមប្រទេសនៅអាស៊ីអាគ្នេយ៍។ វិធានការដំឡើងពន្ធនេះនឹងចូលជាធរមាននៅថ្ងៃទី៩ ខែមេសា ឆ្នាំ២០២៥។ នៅក្នុងកិច្ចសម្ភាសនជាមួយវិទ្យុបារាំង RFI នាថ្ងៃទី០៣ ខែមេសា ឆ្នាំ២០២៥នេះ លោក ម៉ី កល្យាណ ទីប្រឹក្សាជាន់ខ្ពស់នៃឧត្តមក្រុមប្រឹក្សាសេដ្ឋកិច្ចជាតិ និងជាប្រធានក្រុមប្រឹក្សាភិបាលនៃសមាគមពាណិជ្ជកម្ម និងវិនិយោគកម្ពុជា-ជប៉ុន មើលឃើញថា បើសហរដ្ឋអាមេរិកដំឡើងពន្ធលើទំនិញកម្ពុជាដូចបានលើកឡើងមែន នោះវានឹងមានផលប៉ះពាល់ធំធេងគួរឲ្យព្រួយបារម្ភយ៉ាងខ្លាំង។
Duration:00:09:50
លោក ប្រាក់ សេរីវឌ្ឍន៍៖ កង្វះផលិតភាពក្នុងស្រុកជាឧបសគ្គក្នុងការគាំទ្រផលិតផលខ្មែរ
4/2/2025
ថ្ងៃទី៩ ខែមេសា គឺជាទិវាជាតិលើកកម្ពស់ការប្រើប្រាស់ផលិតខ្មែរលើកទី៨។ មុនទិវានេះឈានមកដល់ រដ្ឋាភិបាលកម្ពុជាបានចេញសារលិខិតមួយដោយជំរុញឲ្យពលរដ្ឋនាំគ្នាគាំទ្រផលិតផលខ្មែរដើម្បីជាមោទនភាពជាតិ។ លោក ប្រាក់ សេរីវឌ្ឍន៍ តំណាងស្ថាបនិក សមាគមអ្នកប្រើប្រាស់វិស័យសុវត្ថិភាពអាហារ (ស.ប.ស.អ) យល់ថា ការគាំទ្រផលិតផលខ្មែរបានជួយដល់សង្គម និងសេដ្ឋកិច្ច។ តែលោកកត់សម្គាល់ឃើញពីបញ្ហាប្រឈមមួយចំនួនដែលកម្ពុជានៅខ្វះលទ្ធភាពផលិតដើម្បីផ្គត់ផ្គង់តម្រូវការ និងខ្វះការយល់ដឹងពីការគាំទ្រផលិតផលខ្មែរ។
Duration:00:12:31
លោក ថេ ឈុនហាក់៖ កម្ពុជាមានភាពប្រសើរឡើងក្នុងការដោះស្រាយបញ្ហាវិសមភាពយែនឌ័រ
4/1/2025
លោក ថេ ឈុនហាក់ អគ្គនាយកនៃអគ្គនាយកដ្ឋានសមភាពយេនឌ័រ និងអភិវឌ្ឍន៍សេដ្ឋកិច្ចនៃក្រសួងកិច្ចការនារី បានថ្លែងថា កម្ពុជាមានភាពប្រសើរឡើងក្នុងការដោះស្រាយបញ្ហាវិសមភាពយែនឌ័រដែលត្រូវបានទទួលស្គាល់ដោយភាគីពាក់ព័ន្ធនៅក្នុងកិច្ចប្រជុំមួយនៅអង្គការសហប្រជាតិកាលពីពាក់កណ្តាលខែមីនា ឆ្នាំ២០២៥។ ក្នុងបទសម្ភាសជាមួយវិទ្យុបារាំងអន្តរជាតិ RFI នៅថ្ងៃទី១ ខែមេសា លោក ថេ ឈុនហាក់ បានអះអាងថា ភាពប្រសើរនៃស្ថានភាពយែនឌ័រនៅកម្ពុជា គឺដោយសារតែកម្ពុជាមានគោលនយោបាយគាំពារស្ត្រី និងសមភាពយែនឌ័រ។ តែលោកក៏ទទួលស្គាល់ថា កម្ពុជានៅមានបញ្ហាជាច្រើនទៀតដែលត្រូវឆ្លើយតបនឹងបញ្ហាយែនឌ័រ។
Duration:00:10:41